Abazi thotë se nuk mund të bëhet qeveria e re në mes të rrezikut nga “arkivolet e COVID 19”

14:36 | 30 Mars 2020
Arbresh.info

Zëvendëskryeministri, Haki Abazi ka deklaruar se vullneti i qytetarëve duhet që të matet në zgjedhje të jashtëzakonshme.

Përmes një shkrimi në Facebook, Abazi thotë se presidenti është duke kërkuar një kryeministër servil për të përfunduar planin e tij.

“Vullnetin dhe përcaktimin e sovranit nuk mund ta bëjë një president që kërkon një kryeministër servil për ta përfunduar planin e tij. Kjo është vallja e dreqit në mes të rrezikut për arkivolet e COVID-19”, thotë ai.

“Nga këtu shkojmë në zgjedhje sipas kushtetutës, matemi me votë, ndërsa deri atëherë do të kemi një qeveri në detyrë, e cila po kryen me sukses detyrat dhe përgjegjësitë e saj.

Për Këshillin e Sigurisë Kombëtare, përveç që janë prishur hardisqet e lidhura për mikrofonat, po ashtu edhe diktofoni mbi tavolinë nuk ka punuar. Nuk ka engjëj këtu”, ka shtuar Abazi.